VI ER NORDEN

Verket VI ER NORDEN oppstår i ein ny versjon kvar gong det blir vist/blir synt fram.

Dramatikar Camara Lundestad Joof (Noreg/Gambia), visuell kunstnar Stina Aletta Aikio (Sápmi/Finland), komponist Tróndur Bogason (Føroya), koreograf og dansar Elisabeth Heilmann Blind (Kalaallit Nunaat), koreograf og dansar Ingrid Tranum Velásquez (Danmark), har vore på reise gjennom Norden sidan 2018 og tek med ein ny gjestekunstnar kvar gong dei besøker ein ny stad.

På Nynorskens hus, i den 11. versjonen av verket, har dei gleda av å invitere med seg Ole-Henrik Lifjell (Sápmi/Noreg).

I løpet av si lange reise utforskar dei kolonialismen i Norden – både i fortid og notid – med ein ambisjon om å finne nye vegar. Nå går ferda til Oslo der 80 personar får vere med i ritualet.

Ritual
Vi flyttar på jord, glas, plantar og gull: Omformar, smuldrar og byggjer opp att.
Vi tillét oss å kjenne etter og kvile uro. I konflikten. I mellomrommet. I tvil. I skjørleik.
Vi rører oss nærare kvarandre.
Vi nyttar viljen vår til endring.
Vi byggjer nye landskap for ei dekolonisert framtid.

Framsyninga i tre akter skjer inne i eit installasjonsverk skapt av den samiske biletkunstnaren Stina Aletta Aikio. Ho opnar med ein tekst av Camara Lundestad Joof. Lydlandskapet i installasjonen er komponert av færøyske Tróndur Bogason, og performarane Elisabeth Heilmann Blind og Ingrid Tranum Velásquez leier deltakarane gjennom koreografien i rommet – i varsam flyt mellom deltaking og observasjon.

VI ER NORDEN er produsert av NextDoor Project (Danmark) med støtte frå mellom anna Norsk kulturråd, Statens Kunstfond i Danmark, Nordisk kulturkontakt, Nordisk kulturfond og NAPA.

Foto: Per Morten Abrahamsen