Fornuft og følelsar // Teaterlaget i BUL
I ei tid kor omdømme betyr alt, korleis kan kjærleiken vinne?
Når faren døyr mister søstrene Dashwood både formuen og heimen. Som kvinner er ekteskap deira einaste moglegheit for eit økonomisk stabilt liv, men kva med kjærleiken? Følg den fornuftige Ellinor og den lidskaplege og romantiske Marianne i jakta på kjærleik og tryggheit i England på slutten av 1700-talet.
Kate Hamill har skreve ei leken og oppfinnsam tolking av Austin si klassiske historie om Dashwood-søstrene. Det er eit stykke fylt av humor og eksentriske karakterar, men mister aldri brodden frå Austins originaltekst. Blant sladder, ball og kjærleiksintrigar finnes ein skarp kritikk av korleis spørsmål om klasse, kjønn og arv dominerer folk sine liv. Dette er fyrste gongen Hamills versjon av klassikaren blir spelt i Noreg.
Regi: Pia Louise Edvardsen
Framsyninga varer i omlag 2 timar og 15 minutt inkludert ein pause.
I samband med framsyninga vil publikum bli servert «afternoon tea.» Dette er inkludert i billettprisen.